Svala Björgvinsdóttir verður fulltrúi Íslands í Eurovision í Kænugarði í Úkraínu í maí. Svala tárfelldi þegar niðurstaðan var ljós og segir að þetta séu tár þakklætis. Lagið Paper er eftir Svölu, Einar Egilsson, Lester Mendez og Lily Elise. Texti: Svala Björgvinsdóttir og Lily Elise.

Tvö lög kepptu til úrslita en auk Paper var það lagið Is this love? sem Daði Freyr Pétursson samdi og flutti. 

Lag og texti: Daði Freyr Pétursson

Flytjandi: Daði Freyr Pétursson

Símaatkvæði landsmanna og sjö manna alþjóðleg dómnefnd réðu því hvaða tvö lög komust í einvígið en þar ráðast úrslit eingöngu með símakosningu, líkt og undanfarin ár, samkvæmt upplýsingum frá RÚV.

Svala fylgir þar með í fótspor föður síns, Björgvins Halldórssonar, sem keppti fyrir hönd Íslands árið 1995 með lagið Núna. 

Björgvin keppti í Dublin en þetta var í níunda sinn sem Íslendingar sendu lag í keppnina en aldrei fyrr hefur lagið verið valið án þess að fram hafi farið undankeppni heima á Íslandi. „Mér finnst það mikill heiður og jafnframt áskorun að fá að taka þátt í Eurovision fyrir hönd Íslands,“ segir Björgvin Halldórsson í samtali við Morgunblaðið 12. maí 1995.

Lag Svölu Björgvinsdóttur, „Ég veit það“, eða „Paper“ eins og það heitir á ensku, fjallar um að glíma við erfiða hluti og erfiða tíma. „Þegar ég á í erfiðleikum og er að glíma við sjálfa mig hjálpar að tala opinskátt um það og ég hef gert það. Ég hef glímt við kvíða síðan ég var unglingur og tónlistin hefur hjálpað mér með það. En hver sem er getur sett sig inn í lagið, við göngum öll í gegnum eitthvað og lagið er um það að gefast ekki upp þó að maður eigi erfiðan dag.“

Spurð um tilfinninguna þegar það var tilkynnt að lagið hennar kæmist í úrslitin segir Svala hana hafa verið ótrúlega góða. „Ég var alveg rosalega ánægð. Mér finnst samt skipta mestu máli að fólk tengi við lagið og það gleður mig mjög mikið.“ 

Svala Björgvinsdóttir. mbl.is/Eggert Jóhannesson

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Hörmungin fullkomnuð. Ríkisstjórnin taki í taumana.