Tónlistarmaðurinn The Weeknd hefur verið svokallaður sendiherra fyrir Puma síðan í fyrra en nú eru að koma á markað stirgaskór sem poppstjarnan hannaði með Puma.
Samkvæmt Footwear News koma strigaskórnir sem kallast Parallel bæði í hvítu og ólívugrænu eins sést á myndinni hér að ofan. En einnig verða föt í línunni sem tónlistarmaðurinn hefur verið að vinna að með Puma-teyminu í um ár.
Stjarnan bindur greinilega miklar vonir við strigaskóna en hann vonast til þess að sem flestir munu ganga í þeim. „Ég vil ganga um göturnar og sjá krakka vera í þeim og konur vera í þeim. Ég vil sjá páfann vera í þeim. Ég vil að Obama sé í þeim. Ég vil að Elon Musk sé í þeim,“ sagði The Weeknd.