Kim Kardashian og Kanye West hafa greint frá því hvað nýfædd dóttir þeirra, þriðja barn hjónanna, heitir. Stúlkan fæddist 14. janúar.
Stúlkan heitir Chicago West en fyrir eiga þau dótturina North, fjögurra ára, og soninn Saint, eins árs. Kim Kardashian greindi frá nafninu á Twitter:
Chicago West. https://t.co/3MyLwcIzTh
— Kim Kardashian West (@KimKardashian) January 19, 2018
Læknar ráðlögðu Kim að nýta sér staðgöngumóður ef hún ætlaði að eignast fleiri börn, sem hún gerði. Ferlið hefur hins vegar verið langt frá því að vera auðvelt. „Allir þeir sem segja eða halda að þetta sé bara auðvelda leiðin hafa rangt fyrir sér. Mér finnst mun erfiðara að fara í gegnum þetta á þennan hátt af því að þú hefur enga stjórn,“ sagði Kim í viðtali við ET í nóvember.