Tilkynnt var fyrir áramót að Harry Bretaprins og Meghan Markle myndu ganga í það heilaga hinn 19. maí. Nú hefur breska konungsfjölskyldan sent frá sér nákvæmari lýsingu á deginum sem fólk úti um allan heim bíður spennt eftir. 

BBC greinir frá því að þau Harry og Meghan muni gifta sig í hádeginu og klukkan eitt muni þau fara með hestvagni í gegnum Windsor en þau gifta sig í kirkju heilags Georgs í Windsor-kastala. Erkibiskupinn af Kantaraborg, Justin Welby, mun gefa þau saman.

Eins og sjá má á myndunum er kirkjan glæsileg í alla staði. Þar komast þó aðeins um 800 manns fyrir sem gerir athöfnina persónulegri en hjá til dæmis hertogahjónunum Vilhjálmi og Katrínu sem giftu sig í Westminister Abbey með um 1.900 manns á gestalistanum. 

Eftir hestvagnaferðina verður boð í sal heilgas Geogs í Windsor-kastala. Seinna um kvöldið mun síðan Karl Bretaprins bjóða til minni veislu fyrir nána vini og ættingja.