Leikkonan og fyrirsætan Elizabeth Hurley er dugleg að birta myndir af sér á bikiníinu á Instagram. Sonur hennar myndar hana oft á sundfötunum sem eru flest úr hennar eigin baðfatalínu.
The Sun greinir frá því að Hurley hafi viðurkennt að 15 ára gamall sonur hennar tæki mikið af myndunum þrátt fyrir að hún píndi stundum aðra vini sína. Soninn á Hurley með milljarðamæringnum Steve Bing en Bing neitaði faðerninu þangað til DNA sannaði að hann væri faðirinn.
Hurley er 52 ára og enn með líkama eins og unglamb. „Ég er búin að vera í bransanum lengi svo líkami minn er eitthvað sem ég verð að huga að og ég hugsa alltaf um það. Ég nota eins mikið krem og ég mögulega get,“ sagði Hurley í vikunni.