Ný plata Carter hjónanna, Beyoncé og Jay-Z, er komin á Spotify. Upphaflega leit út fyrir að platan, EVERYTHING IS LOVE yrði aðeins aðgengileg á tónlistarveitunni Tidal en hjónin virðast hafa tekið aðra stefnu núna. Platan er því aðgengileg á Tidal, Apple Music og Spotify Premium og verður aðgengileg á fríum aðgöngum á Spotify eftir tvær vikur.
Tidal er tónlistarveita sambærileg Spotify og er í eigu Jay-Z. Plata Beyoncé, Lemonade, sem sló rækilega í gegn þegar hún kom út árið 2016 er enn aðeins aðgengileg á Tidal. Þegar Lemonade kom út skráðu 1,2 milljónir notenda sig á Tidal. Viðbrögðin við nýjustu plötunni hafa ekki náð sömu hæðum og þegar Lemonade kom út.
Þegar þau óvænt gáfu út plötuna um helgina, gáfu þau einnig út myndband við lagið APESH**T. Myndbandið er af dýrari gerðinni og er tekið upp á Louvre safninu í París. Hér fyrir neðan má horfa á myndbandið og hlusta á plötuna á Spotify.