Rúrik Gíslason landsliðsmaður í knattspyrnu er kominn með milljón fylgjendur á samfélagsmiðlinum Instagram. Þessum áfanga náði Rúrik í kvöld, en þegar HM í Rússlandi byrjaði var knattspyrnukappinn einungis með um 30 þúsund fylgjendur.

Skjáskot/Instagram

Þessar ótrúlegu vinsældir Rúriks á Instagram má rekja til leiksins gegn Argentínu, en eftir að hann kom inn á sem varamaður gegn Messi og félögum byrjaði fylgjendafjöldi hans að aukast á miklum hraða og nú viku seinna er hann kominn upp í eina milljón.

Frétt af mbl.is

„Rúrik loksins að fá þá viðurkenningu sem hann á skilið“

Einhverjir hafa eflaust grætt á því, en erlendar veðmálasíður tóku eftir þessum ævintýralega fylgjendafjölda Rúriks og buðu einhverjar þeirra notendum upp á að veðja á það hvort Rúrik næði milljón fylgjendum á meðan að HM stæði yfir.

Það hefur nú náðst, þrátt fyrir að þrjár vikur séu enn eftir af knattspyrnuveislunni í Rússlandi.

Tengdar fréttir

Rúrik Gíslason

Rúrik í tökum með BMW á Coachella-tónlistarhátíðinni

• Rúrik opnar sig í viðtali við Sports Illustrated
• Rúrik mætti í Óskarspartí hjá Elton John
• Rúrik djammaði með ofurfyrirsætu og frægum leikara í Mexíkó
• Er Rúrik á leiðinni í Eurovision?

» Fleiri tengdar fréttir

• Blogga um frétt