Girls-stjarnan Lena Dunham hefur talað opinskátt um vandamál sín í tengslum við slæmt legslímuflakk sem hún er með. Hún greindi frá því í febrúar að hún hefði látið fjarlægja úr sér legið og í vikunni var vinstri eggjastokkur hennar fjarlægður.
Dunham var orðin mjög veik og var meðal annars orðið sársaukafullt fyrir hana að gera venjulega hluti eins og að ganga eða pissa. Síðasta mánuðinn gerði hún ekki mikið annað en að liggja undir sæng.
Leikkonan var orðin of veik til þess að taka þátt í kynningarstarfi og segir hún að margir hafi skrifað athugasemd á Instagramið hennar og sagt henni hvað hún ætti að gera og af hverju vandamálið væri enn. Fékk hún athugasemdir eins og að legnámið hefði átt að laga verkina og verkirnir væru sálfræðilegir.
View this post on InstagramA post shared by Lena Dunham (@lenadunham) on Oct 17, 2018 at 6:47am PDT