Barnið væntanlegt í lok apríl eða byrjun maí
Setja bókamerki
Meghan, hertogaynja af Sussex, og eiginmaður hennar, Harry Bretaprins, eiga von á því að barnið þeirra, sem Meghan ber undir belti, komi í heiminn annaðhvort í lok apríl eða í byrjun maí. Meghan greindi frá þessu í dag aðspurð í heimsókn til norðvesturhluta Englands.
Hertogaynjan sagðist enn fremur vera komin sex mánuði á leið. Þetta er haft eftir Kim Thompson sem var ein þeirra sem ræddi við Meghan og Harry í heimsókn þeirra.
Meghan var einnig spurð að því, samkvæmt frétt AFP, af hinni níu ára gömlu Kitty Dudley í heimsókn í grunnskólann hennar í bænum Birkenhead, hvort hún vissi hvort barnið þeirra Harrys væri drengur eða stúlka og sagðist hún ekki vita það.
Meghan og Harry gengu í hjónaband í maí á síðasta ári og tilkynntu síðan í október að þau ættu von á sínu fyrsta barni. Þá var tilkynnt að barnið myndi fæðast næsta vor. Talsmenn hirðarinnar hafa aldrei tjáð sig nánar um tímasetninguna.
Glæpastarfsemi orðin mun skipulagðari
Tveir í haldi grunaðir um mansal og smygl á fólki
Gerðu umfangsmiklar loftárásir á Líbanon
Finnar og Svíar taka ekki á móti særðum frá Gasa
Davíð Viðarsson var skyndihugdetta
Maðurinn sem leitað var að fannst látinn
Hætta vegna jarðfalls í sprungur metin töluverð
Lögreglan leitar eftir myndefni í tengslum við andlátið