Madonna kemur fram á úrslitakvöldinu
Setja bókamerki
Poppdrottningin Madonna kemur fram á úrslitakvöldi Eurovision eftir allt saman. Samningur milli söngkonunnar og framkvæmdastjórnar Eurovision var undirritaður í dag.
Hér með er þetta opinbert,“ segir í tilkynningu frá ísraelska ríkisútvarpinu, KAN. „Eftir spennuþrungna daga hefur samningur verið undirritaður,“ segir jafnframt í tilkynningunni.
Töluverð óvissa hefur ríkt síðustu daga um þátttöku poppdrottningarinnar á úrslitakvöldi Eurovision á laugardag. „Ef enginn undirritaður samningur liggur fyrir í vikunni, stígur hún ekki á svið. Svo einfalt er það,“ sagði Jon Ola Sand, framkvæmdastjóri Eurovision, á blaðamannafundi í Tel Aviv á mánudag.
Það er því eflaust þungu fargi létt af mörgum Eurovision- og Madonnu-aðdáendum, nú þegar ljóst er að hin sextuga poppdrottning mun setja sinn svip á úrslitakvöldið.
Madonna mun að öllum líkindum flytja tvö lög, eitt splunkunýtt og annað eldra. Með henni í för verða hvorki meira né minna en 135 manns, þar á meðal rapparinn Quavo úr tríóinu Migos, 40 bakraddasöngvarar, 25 dansara auk tæknimanna. Það er því ljóst að öllu verður tjaldað til í Tel Aviv á laugardagskvöld.
Strand skemmtiferðaskips kallar á erlenda aðstoð
Bergnuminn í Hvalfirði
Kaldasti veturinn kom að óvörum
Skaut sex sinnum að feðginum á aðfangadagskvöld
Sex hafa greinst með listeríu
Hvorki sést áður hér á landi né annars staðar
Væri að ljúga ef ég segðist ekki stressaður