Hin 29 ára gamla Mwe San, fyrrum læknir í Búrma (Mjanmar), missti lækningaleyfið sitt eftir að hafa birt myndir af sjálfri sér á bikiní á Instagram.
San langaði aldrei til að verða læknir, en foreldrar hennar voru staðráðin í að hún myndi klára að mennta sig og skráðu hana í læknanám. Sjálf vildi hún verða fyrirsæta. Fyrir tveimur árum lét hún draum sinn verða að veruleika, lagði hvíta sloppinn á hilluna og hóf störf sem fyrirsæta.
View this post on InstagramA post shared by Nang Mwe San (@nangmwesan) on Jun 16, 2019 at 2:46am PDT
San hefur birt myndir af sér fáklæddri á Facebook síðan þá. Heilbrigðisyfirvöld í Búrma voru síður en svo ánægð með það og telja hana rýra orðspor lækna þar í landi. Þau sendu henni bréf þess efnis í janúar síðastliðinn og báðu hana að fjarlægja allar myndir af sér fáklæddri, annars ætti hún í hættu að missa lækningaleyfi sitt.
Hún neitaði að fara að fyrirmælum heilbrigðisyfirvalda fékk svo bréf í júní að hún hefði misst lækningaleyfi sitt.
Í viðtali við New York Times segir hún að það ríki mikið kynjamisrétti í Búrma. „Þeir vilja ekki að konur séu háttsettar. Og þeir meta verðleika kvenna út frá klæðnaði þeirra. Þeir vilja ekki einu sinni að við göngum í buxum,“ segir San.
Ógilding á lækningaleyfi San skýtur sökku við sé litið til heilbrigðiskerfis Búrma en samkvæmt yfirvöldum þar í landi þyrfti að tvöfalda fjölda starfandi lækna. Búrma er fjölmennt land en um 53 milljónir búa þar.
Margir hafa ekki efni á að fara til læknis og segjast sumir þurfa að múta læknum til að fá almennilega meðferð. Ríkara fólk getur farið á einkastofnanir, en ástand ríkissjúkrahúsanna eru alls ekki til fyrirmyndar.
Fréttin er unnin upp úr frétt New York Times.