Reyndi að stela húsi Halle Berry

Maður að nafni Ronald Eugene Griffin fór skrefinu lengra en að reyna að stela innanstokksmunum og reyndi að stela húsi leikkonunnar Halle Berry í Los Angeles í vetur. TMZ greinir frá.

Griffin falsaði afsalsbréfið að húsi Berry og reyndi svo að láta skipta um lása í húsinu. Hann hringdi svo á lögregluna og tilkynnti að starfsfólk Berry væri þar í leyfisleysi. Þegar lögreglan kom á staðinn áttaði hún sig fljótt á því að Griffin hafi falsað afsalsbréfið og handtók hann. 

Griffin var einnig gómaður að láta skipta um lása, en honum hafði aðeins tekist að láta skipta um einn lás þegar lögregluna bar að garði.

Berry sagði lögreglunni að hún hefði ekki hugmynd hvaða maður þetta er, en samkvæmt lögreglu var það tilviljun að húsið sem Griffin reyndi að eigna sér var hús Berry. 

• Blogga um frétt