Sons of Anarchy-stjarnan Ron Perlman hefur sótt um skilnað við eiginkonu sína Opal Stone Perlman. Þau Ron og Opal hafa verið gift í 38 ár.
Ron sótti um skilnaðinn í gær í Los Angeles. Þau gengu í það heilaga á Valentínusardag árið 1981 og eiga tvö uppkomin börn, son og dóttur.
Opal er tísku- og skartgripahönnuður. Ron er hvað þekktastur fyrir hlutverk sitt í þáttunum Sons of Anarchy en einnig þáttunum Beauty and the Beast sem hann hlaut Golden Globe-verðlaun fyrir árið 1989.
Fyrr á þessu ári voru sögusagnir um meint framhjáhald Perlman þegar hann sást kyssa aðra konu í miðborg Los Angeles. Samkvæmt heimildum TMZ höfðu þau skilið að borði og sæng á þeim tíma.