„Hvað kom fyrir Russell Crowe?“ spyrja sig sumir þegar nýjar myndir af leikaranum eru skoðaðar. Þessu er að minnsta kosti slengt fram á vef Page Six. Leikarinn frægi þykir hafa bætt á sig og hefur litið betur út.
Á nýlegum myndum, sem teknar voru af Crowe á flugvelli í Ástralíu, má sjá að leikarinn hefur bætt á sig. Á myndunum er hann í íþróttabuxum og pólóbol sem virðist vera að minnsta kosti hálfu númeri of lítill. Á einni myndinni má sjá hann með aðra höndina ofan í buxunum, mögulega að klóra sér í rassinum.
Ekki er vitað hvort Crowe hafi bætt á sig fyrir ákveðið kvikmyndahlutverk. Samkvæmt Imdb er hann nú í tökum á kvikmyndinni The Georgetown Project. Í sumar var Crowe myndaður í tökum á myndinni Unhinged þar sem hann leit út fyrir að vera grennri en í hlutverki sínu sem Roger Ailes í sjónvarpsþáttunum The Loudest Voice.