Ítalski tenórinn Andrea Bocelli heldur stórtónleika í Kórnum laugardaginn 23. maí á næsta ári. Boccelli kemur fram með 70 manna sinfónuhljómsveit SinfoNord, kór frá Söngsveitinni Fílharmóníu og sérstökum gestum.
Frá þessu er greint í tilkynningu frá Senu Live en miðasala á tónleikana hefst 13. desember klukkan 10.
Í tilkynningunni kemur fram að tenórinn hafi selt yfir 90 milljónir platna á heimsvísu og hafi átt stóran þátt í því að færa sígilda tónlist í samtímann þar sem lög hans hafi náð efsta sæti á öllum helstu topplistum heimsins.
Kórnum í Kópavogi verður í fyrsta sinn umbreytt í sitjandi sal, en einungis verður boðið upp á númeruð sæti. Tæplega átta þúsund sæti verða í boði á sex verðsvæðum en miðarnir kosta frá 12.900 krónum.
Tónleikarnir verða í tveimur hlutum; fyrri hluti er sígildari og þar tekur hann þekktustu óperuaríurnar, en í seinni hluta tekur hann alla sína vinsælustu slagara.