„Hvenær fær brjóst Jackson afsökunarbeiðni?“

Tónlistarkonan Bette Midler finnst brjóst tónlistarkonunnar Janet Jackson eiga einnig skilið afsökunarbeiðni frá Justin Timberlake.

„Hvenær fær brjóst Janet Jackson afsökunarbeiðni? #RéttlætiFyrirJanet“ skrifaði Midler á Twitter í vikunni.

Timberlake baðst afsökunar í síðstu viku á því að hafa haldið í hönd mótleikkonu sinnar, Alishu Wanwright á bar New Orleans í síðasta mánuði. 

Atvikið sem Midler vísar í er þegar Timberlake greip í brjóst Jackson á tónleikum í hálfleik Ofurskálarinnar árið 2004. Kjóll hennar rifnaði og afleiðingarnar voru þær að nakið brjóst Jackson sást í beinni útsendingu. 

Að hætti Bandaríkjamanna vatt málið að sjálfsögðu upp á sig og var sjónvarpsstöðin CBS sektuð fyrir nakið brjóstið. Sektargreiðslunni var áfrýjað og að lokum dæmd ógild. Málið var þó ekki búið þar og fór á endanum fyrir hæstarétt Bandaríkjanna. Hæstiréttur vísaði málinu aftur niður á lægra dómsstig þar sem CBS var að lokum sýknað.

Málið þótti hið mesta hneykslismál á sínum tíma.

• Blogga um frétt