Hneyksli, dauði og skilnaðir
Setja bókamerki
Tengdar fréttir
Kóngafólk í fjölmiðlum
Í ljósi þess að Harry Bretaprins og eiginkona hans Meghan Markle hafa ákveðið að draga sig í hlé frá hefðbundnum störfum konungsfjölskyldunnar hefur AP-fréttastofan tekið saman stærstu vandamálin sem fjölskyldan hefur gengið í gegnum síðustu öldina.
Ástin eða þjóðin
Stærsta hneykslismál konungsfjölskyldunnar síðustu öldina varð árið 1936 þegar Játvarður VIII afsalaði sér krúnunni eftir aðeins 326 daga sem konungur til að hann gæti kvænst bandarísku konunni Wallis Simpson. Hún var tvífráskilin og gat Játvarður ekki kvænst henni nema segja skilið við krúnuna.
Ástarsorg Margrétar
Margrét prinsessa, yngri systir Elísabetar Englandsdrottningar, olli einnig miklu fjaðrafoki þegar hún ætlaði að giftast Peter Townsend, fráskildum fyrrverandi aðstoðarmanni föður hennar.
Ástarsambandið hófst árið 1952. Á endanum varð Margrét að binda enda á sambandið. Hún giftist í staðinn ljósmyndaranum Antony Armstrong-Jones árið 1960. Þau skildu árið 1978.
Hræðilegt ár
Drottningin lýsti eitt sinn árinu 1992 sem hræðilegu eftir að hjónabönd þriggja barna hennar fóru út um þúfur. Karl Bretaprins og Díana prinsessa skildu eftir 11 ára hjónaband, Andrés Bretaprins skildi við Söru Ferguson eftir 6 ára hjónaband og Anna prinsessa skildi við Mark Phillips þremur árum eftir að þau hættu saman.
Dauði Díönu
Dína prinsessa lést í bílslysi í París árið 1997 og vakti atburðurinn að vonum heimsathygli.
Segja má að öll heimsbyggðin hafi syrgt Díönu, sem hafði notið mikilla vinsælda. Elísabet Englandsdrottning var gagnrýnd fyrir að tjá sig ekki strax opinberlega vegna dauða hennar.
Andrés og hneykslismálið
Tengsl Andrésar Bretaprins við bandaríska barnaníðinginn Jeffrey Epstein voru mikið í fréttunum á síðasta ári.
Andrés varð að hætta að sinna opinberum skyldustörfum sínum fyrir konungsfjölskylduna vegna málsins.
Tengdar fréttir
Kóngafólk í fjölmiðlum
Telur forsendur fyrir vaxtalækkun
Mál hjúkrunarfræðingsins fer aftur fyrir héraðsdóm
Skaut sex sinnum að feðginum á aðfangadagskvöld
Banna mengandi búnað sem leyfður er á Íslandi
Kostnaður meiri en milljón á fermetra
Strand skemmtiferðaskips kallar á erlenda aðstoð
Gígbarmurinn hækkað frá því í gær
/frimg/1/48/74/1487454.jpg)
Heldur inn í nóttina tuttugu kílóum léttari