Margrét hlaut Guldbaggen-verðlaun

Margrét Einarsdóttir búningahönnuður hlaut í kvöld sænsku kvikmyndaverðlaunin, Guldbaggen, fyrir vinnu sína við kvikmyndina Eld & lågor, ástarsögu sem gerist í Svíþjóð á tímum síðari heimsstyrjaldar.

Margrét hefur unnið að ýmsum kvikmyndum og sjónvarpsþáttaröðum á Norðurlöndum um árabil og hefur hún þrívegis hreppt Edduverðlaun fyrir búninga í íslenskum kvikmyndum. Hún ræddi ítarlega við Sunnudagsmoggann um störf sín árið 2018.

Frétt af mbl.is

Klæddi Anthony Hopkins

Þá hafði hún nýlega starfað við gerð myndarinnar Eld & lågor, sem var alls tilnefnd til sex Guldbaggen-verðlauna. Um myndina og sinn þátt í henni sagði hún, í samtali við Sunnudagsmoggann:

„Þar eru bún­ing­arn­ir mikið sjón­arspil og maður seg­ir sög­una á allt ann­an hátt en maður er van­ur að gera í nú­tímaraun­sæi. Þarna fékk ég leyfi til að skapa meira og villt­ari heim en oft áður. Fyr­ir þá mynd voru all­ir bún­ing­ar hannaðir og saumaðir frá grunni. Við bjugg­um til skó, hatta og skart og allt sam­an.“

• Blogga um frétt