Tónlistarkonan Jessie J og leikarinn Channing Tatum eru byrjuð aftur saman eftir mánaðarhlé ef marka má heimildarmann People.
Parið staðfesti sambandsslitin um miðjan desember í fyrra eftir rúmlega árs samband, en nú virðast þau hafa fundið hamingjuna aftur saman.
„Þau tóku sér nokkurra vikna hlé frá hvort öðru en á endanum ákváðu þau að þeim er virkilega annt um hvort annað,“ sagði heimildarmaðurinn. Fyrstu fregnir af sambandi þeirra bárust í október 2018.