Lagið sem kom sá og sigraði í Söngvakeppni sjónvarpsins þetta árið, Think About Things með Daða og Gagnamagninu, verður ekki gjaldgengt í Eurovision á næsta ári.
Söngvakeppni evrópskra sjónvarpsstöðva tilkynnti í kvöld að ákvörðun hefði verið tekin um að lögin sem valin höfðu verið til þátttöku í keppninni í ár verði ekki gjaldgeng í keppnina sem haldin verður á næsta ári.
Þó stendur til að heiðra lögin og er það til skoðunar að halda viðburð sem gæti á einhvern hátt komið í stað keppninnar sem fara átti fram í Rotterdam í Hollandi í maí.