Tónlistarmaðurinn og forsetaframbjóðandinn Kanye West brotnaði niður á fyrsta framboðsfundi sínum um helgina. West ræddi um þungunarrof á fundinum og sagði að hann og eiginkona hans Kim Kardashian hafi íhugað að fara í þungunarrof þegar hún gekk með fyrsta barn þeirra. 

„Í Biblíunni segir að þú skulir ekki drepa. Ég man að kærastan mín hringdi í mig grátandi og öskrandi. Á þessum tíma var ég rappari, var mikið úti á lífinu og átti margar kærustur,“ sagði West. 

Hann segir að Kardashian hafi hringt í hann og sagst vera ólétt og að allt fram á þriðja mánuð meðgöngunnar hafi þau íhugað að fara í þungunarrof. „Hún var með pillurnar í höndunum. Ef hún tæki þær þá væri barnið farið,“ sagði West. 

Frétt af mbl.is

Kanye gegn bólusetningum og fóstureyðingum

West og Kardashian ákváðu þó ekki að láta rjúfa meðgönguna og eignuðust sitt fyrsta barn, North litlu. Í dag eiga þau fjögur börn saman. 

West býður sig nú fram til forseta Bandaríkjanna. Í viðtali við Forbes fyrr í júlí sagðist hann ekki vera hlynntur þungunarrofi. Á fundinum um helgina sagðist hann ekki alfarið vera á móti þungunarrofi en að konur sem íhuguðu að láta rjúfa meðgönguna ættu að fá mikinn stuðning frá heilbrigðiskerfinu og hinu opinbera. 

Á einum tímapunkti á framboðsfundinum sagði hann að þungunarrof ætti alltaf að vera löglegt. West talaði lengi um þungunarrof og rétt kvenna til að hafa ákvörðunarrétt yfir eigin líkama. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

Kanye West

Allt önnur manneskja þegar West er ekki nálægur

• Kærir Kanye West fyrir kynferðislega áreitni
• Swift hjólar í Kardashian á nýju plötunni
• Kennir eiginkonunni um ófrjósemina
• Myndir af eiginkonunni vekja óhug

» Fleiri tengdar fréttir

• Blogga um frétt