Grínleikarinn Kelsey Grammer snýr sem Dr. Frasier Crane í nýjum sjónvarpsþáttum um geðlækninn á nýju streymisveitunni Paramount+. Grammer segist vera spenntur að fyrir næsta kafla í lífi Dr. Frasier Crane. Auk þess að leika Frasier tekur leikarinn þátt í að framleiða þættina.
David Staph forseti CBS Studios segir í tilkynningu á vef Variety að Fraiser sé einn best heppnaðasta sjónvarpsþáttur í nútímasjónvarpssögu. „Aðdáendur hans hafa lengi beðið eftir endurkomu og því kalli hefur nú verið svarað þökk sé hinum frábæra Kelsey Grammer sem birtist aftur í hlutverki sínu sem Dr. Frasier Crane.“
Grammer lék Frasier í Staupasteini, Wings en lengst af í Frasier. Er hann margverðlaunaður fyrir hlutverk sitt. Frasier vann 37 Emmy-verðlaun en þáttaraðirnar voru samtals 11 og þættirnir 264. Í þáttunum léku einnig David Hyde Pierce Jane Leeves og Peri Gilpin en nöfn þeirra eru ekki uppi núna í tengslum við endurkomuna. John Mahoney sem lék föður Frasier er látinn.