Veröld/Fólk | mbl | 3.3.2021 | 16:54 | Uppfært 17:51

Þjóðin tístir um eldgos: „Óróapúls í mönnum“

Magrir hugsa til bókar Sigríðar Hagalín Björnsdóttur, Eldarnir, nú þegar líklegt þykir að elgos muni hefjast á Reykjanesskaga. Samsett mynd

Líklegt þykir að eldgos hefjist innan nokkurra klukkustunda á Reykjanesskaga en jarðskjálftar hafa hrist suðvesturhornið síðastliðna vikuna. Margir hafa tjáð sig um mögulegt eldgos á samfélagsmiðlum í dag og var þá fundur Almannavarna nú klukkan fjögur í brennidepli.

Frétt af mbl.is

Beint: Órói á Reykjanesskaga

Þá hugsar þjóðin til fréttakonunnar og rithöfundarins Sigríðar Hagalín Björnsdóttur sem gaf út skáldsöguna Eldarnir fyrir jólin. Í henni fjallaði hún einmitt um jarðskjálfta og eldsumbrot á Reykjanesskaga og þykir fólki hún óþarflega sannspá.

Held að enginn rithöfundur á Íslandi hafi fengið jafn góða ókeypis kynningu á nýjustu bók sinni líkt og Sigríður Hagalín. #eldgos
— Matti Matt (@mattimatt) March 3, 2021

Sigríður Hagalín er algjörlega að klúðra því að plögga bókinni sinni í þessum fréttatíma
— Jónas Már (@JTorfason) March 3, 2021

Ég legg til að Sigríður Hagalín skrifi næst bók um það sem gerist þegar Ísland vinnur Eurovision #eldgos
— Halldór Þorsteinsson (@NOTHalldor) March 3, 2021

Líður eins og barni sem horfir á eftir foreldrum á fæðingardeildina. Skil ekki allt. Mikið stendur til. Ekki trufla með einhverjum spurningum, ný hugtök á sveimi, "óróapúls að mælast" og "gossprungustaðsetning", sérfræðingar eru að skoða málið. Skýrist eftir nokkra klukkutíma.
— Árni Helgason (@arnih) March 3, 2021

Það eru fullar Teslur af áhrifavöldum á leiðinni að Keili að berjast um fyrstu instagrammyndina með gos í bakgrunni. Þetta fólk er upp til hópa illa klætt, en mjög vel snyrt.
— Pétur Jónsson (@senordonpedro) March 3, 2021

Búið ykkur undir yfirlýsingu frá Þórólfi og Kára þar sem þeir staðfesta að eldgosið sé off. Við erum búin að standa okkur svo vel í skjálftvörnum að það tekur því ekki. #eldgos
— Sunna V. (@sunnaval) March 3, 2021

Sigríður Hagalín að spurja spurninga á blaðamannafundinum eins og hún viti þetta ekki allt nú þegar 😎😎😎
— Solveig Óskarsdóttir (@solveigoskarsd) March 3, 2021

Mikið hlakka ég samt til að setja á Chernobyl soundtrackið hennar Hildar Guðna og fylgjast með þessu úr fjarska. Stimmung.
— Oddur Bauer (@oddurbauer) March 3, 2021

Hvaða áhrifavaldur verður fyrstur til að gera makeup tutorial af eldgosinu
— Kolbrún Birna (@kolla_swag666) March 3, 2021

Óróapúls í mönnum
— Matthías Aron (@maolafsson) March 3, 2021

Ég er sko búin að fæða barn í þessari jarðskjálftahrinu. Hef ekki miklar áhyggjur af eldgosi eða hvernig við mæðgin tökumst á við það.
— Dagny Aradottir Pind (@dagnyara) March 3, 2021

Já góðan og blessaðan daginn velkominn á þennan blaðamannafund, við vitum ennþá ekki neitt nema kannski er hraun og já við getum ekki spáð í framtíðina frekar en í gær svo já sviðsmyndirnar eru enn þær sömu og allt getur gerst

Takk fyrr
— Adda (@addathsmara) March 3, 2021

Víðir: slakið á, ekkert að sjá hjá Keili, mjög blautt og erfitt að keyra að.

Íbúar Íslands: Challenge accepted 😎
— Olga Cilia (@olgacilia) March 3, 2021

Sýnist áreiðanlegasta greiningin vera:
Ef af gosi verður og það byrjar að gjósa, þá fer að gjósa.
— Bragi Valdimar (@BragiValdimar) March 3, 2021

Okkar besti Víðir, fer frá því að hvetja fólk fallega til að fylgja samkomutakmörkunum í að hvetja fólk fallega til að þyrpast ekki að gjósandi fjalli.
— Birna Anna (@birnaanna) March 3, 2021