Íslenska sópransöngkonan Dísella Lárusdóttir vann í kvöld Grammy-verðlaunin sem veitt voru í 64. skipti við hátíðlega athöfn í Las Vegas.
Um er að ræða verðlaun fyrir bestu óperuupptökuna en Dísella lék burðarmikið hlutverk í óperu Philips Glass: Akhnaten, undir hljómsveitarstjórn Karenar Kamensek.
Þetta segir á vef Grammy-verðlaunanna.
Dísella og þau sem komu að sýningunni voru tilnefnd í tveimur flokkum: Fyrir bestu óperuupptökuna annars vegar og fyrir framleiðanda ársins í flokki klassískrar tónlistar.
Sýningin vann verðlaun fyrir upptökuna en David Frost, framleiðandi sýningarinnar, hreppti ekki verðlaunin að þessu sinni.
Hér má sjá þegar Dísella flutti aríu dagsins hjá íslensku óperunni á vormánuðum 2020: