Hljómborðsleikarinn Andy Fletcher er látinn 60 ára að aldri. Fletcher er þekktastur fyrir að hafa stofnað og spilað með bresku rafhljómsveitinni Depeche Mode.
Hljómsveitin greindi frá andláti Fletcher á samfélagsmiðlum og sagðist vera í áfalli og finni fyrir „yfirþyrmandi sorg yfir fráfalli góðs vinar, fjölskyldumeðlims og hljómsveitarfélaga“.
BBC greinir frá því að Fletcher hafi stofnað Depeche Mode árið 1980 ásamt Martin Gore, Dave Gahan og Vince Clarke.
Meðal þekktustu laga hljómsveitarinnar eru Personal Jesus, New Life, Enjoy the Silence og Just Can't Get Enough.
Fletcher átti tvö börn með eiginkonu sinni til þrjátíu ára Grainne.
— Depeche Mode (@depechemode) May 26, 2022