Leikararnir Florence Pugh og Zach Braff eru hætt saman. Þau kynntust árið 2019 á tökustað stuttmyndarinnar In the Time It Takes to Get There. Pugh er þekktust fyrir hlutverk sitt kvikmyndinni Little Women frá 2019, en Braff fór með hlutverk J.D. í vinsælu þáttaröðunum Scurbs.
Samband leikaranna vakti mikla fjölmiðlaathygli, en leikkonan er 21 ári yngri en Braff og olli það miklu fjaðrafoki. Pugh sagði í samtali við Harper's Bazaar að þau hafi hætt saman fyrr á árinu og viljað halda sambandsslitunum fjarri sviðsljósinu, enda hlutu þau mikla gagnrýni í þau fjögur ár sem parið var saman.