Snorri Másson, fréttamaður Stöðvar 2 og Nadine Guðrún Yaghi, samskiptastjóri flugfélagsins Play, eru nú trúlofuð. Þetta tilkynnir Nadine á Instagram.
Parið hnaut um hvort annað fyrr á þessu ári og tilkynntu þau í nóvember að þau ættu von á barni saman.
Snorri Másson er 25 ára fréttamaður á Vísi, Stöð 2 og Bylgjunni en áður stýrði hann hlaðvarpinu Skoðanabræðrum ásamt bróður sínum, Bergþóri Mássyni.
Nadine er 32 ára og var einnig fréttamaður á Vísi, Stöð 2 og Bylgjunni en hún hætti störfum þar á síðasta ári og tók við stöðu samskiptastjóra Play. Hún hefur einnig gert það gott í hlaðvarpsheiminum en hún og Þórhildur Þorkelsdóttir, kynningarfulltrúi BHM, settu nýverið á laggirnar þáttinn Eftirmál.