Leik- og söngkonan Selena Gomez hefur nú flesta fylgjendur allra kvenna á Instagram. Greip hún þann kyndil af samfélagsmiðlastjörnunni Kylie Jenner á föstudaginn var.
Fylgjendur hennar eru nú 386 milljónir talsins en Jenner státar af 380 milljónum fylgjenda.
Stuttu eftir að hafa snúið aftur inn á miðilinn og komið sér á toppinn tilkynnti Gomez að hún myndi taka sér hlé frá Instargram.
Sögusagnir um deilur á milli Hailey Bieber og Selenu Gomez, sem reglulega skjóta uppi kollinum, hafa farið eins og eldur í sinu um samfélagsmiðla og hefur fylgjendahópur Gomez farið ört stækkandi í kjölfarið. Hailey Bieber og Kylie Jenner hafa verið sakaðar um einelti gegn Gomez líkt og Popsugar hefur fjallað um, en stjörnurnar gefa lítið fyrir þann orðróm.
Hailey Bieber er gift poppgoðinu Justin Bieber en Gomez og Bieber voru saman nokkuð áður en til sambandsins kom, eins og þekkt er.