Nostalgía fyrir þá sem ólust upp við Sálina
Setja bókamerki
„Þetta er söngleikur sem fjallar um stéttaskiptingu og vinahópa sem eru á unglingsaldri,“ segir Aron Gauti Kristinsson sem fer með aðalhlutverk í söngleiknum Hvar er draumurinn? sem Nemendamótsnefnd Verslunarskóla Íslands stendur fyrir. Höfundur og leikstjóri verksins er Höskuldur Þór Jónsson.
Sögusviðið er Reykjavík árið 1992. Eins og nafn söngleiksins gefur til kynna eru öll lög söngleiksins eftir hljómsveitina Sálin hans Jóns míns sem var starfræk í þrjátíu ár, frá 1988 til 2018. 150 nemendur Versló koma að verkinu, þar af eru 32 í leikhóp.
Helga Margrét Marzellíusardóttir er söngstjóri, Arna Björk Þórsdóttir er dansstjóri og Snorri Beck Magnússon tónlistarstjóri.
mbl.is tók nýlega viðtal við Örnu Björk en hún er einnig danshöfundurinn á bak við dansinn í nýrri auglýsingu Vinnueftirlitsins sem vakið hefur umtalsverða athygli.
/frimg/1/39/58/1395884.jpg)
Húmor fyrir alla
Frumsýning verksins var 23. febrúar og hefur hópurinn þegar sýnt sjö sýningar. Fjórar sýningar eru nú í sölu en að sögn Arons verður fleiri sýningum bætt við þar sem stefnt er að því að sýna fram í miðjan mars. Hægt er að kaupa miða á nfvi.is.
„Ég heyrði á frumsýningunni að sýningin náði til allra hópa,“ segir Sigríður Ragnarsdóttir sem fer með annað tveggja aðalhlutverka á móti Aroni.
„Það er mikill húmor. Bæði húmor sem höfðar til aðeins eldra fólks en einnig til krakka. Svo er tónlistin auðvitað líka rosa nostalgía fyrir þá sem ólust upp við Sálina,“ segir Aron.
Lesa má nánar um málið í Morgunblaðinu í dag.
Eðlilegt að auka afkastagetu ÚNU
Fugl fór í hreyfil vélar Icelandair á Alicante
Gætu þurft að loka varnargarðinum í flýti
„Þetta þarf ekki að vera leiðinlegt“
Rekstur flugvallarins með „hefðbundnum hætti“
Flestir á batavegi eftir rútuslysið
„Nú er spurning hvað kvikan nái að gera“