Svipað áhorf þrátt fyrir tal um sniðgöngu
Setja bókamerki
Þrátt fyrir tal um sniðgöngu Eurovision var áhorf á fyrra undanúrslitakeppniskvöld í Söngvakeppni Sjónvarpsins á laugardag svipað og það var fyrir ári síðan. Þannig var áhorfið í ár 46,4% en var 47,5% í fyrra. Þetta kemur fram í vikulegum áhorfsmælingum Gallup á Íslandi.
Talsvert hefur verið fjallað um sniðgöngu keppninnar í ár vegna þátttöku Ísrael í Eurovison.
Þannig hefur t.a.m fjöldi íslenskra listamanna undirritað yfirlýsingu þar sem tilkynnt er um að þeir hyggist sniðganga keppnina og vildu að RÚV gerði hið sama. Að auki hafa nokkrir listamenn tjáð sig opinberlega um að þeir telji að Ísland eigi ekki að taka þátt. Eins skoraði FÁSES, Félag áhugamanna um söngvakeppnina, RÚV að sniðganga keppnina.
Þá gagnrýndi Mörður Árnason, stjórnarmaður í RÚV, harðlega ákvörðun Stefáns Eiríkssonar, útvarpsstjóra um að leggjá ákvörðun um þátttöku í lokakeppni Eurovision í hendur þess þátttakanda sem sigrar keppnina.
Að auki afhenti Sema Erla Serdar undirskriftalista 10 þúsund undirskriftum fyrir hönd BDS - Ísland, sem er hluti af alþjóðlegum samtökum um réttindi Palestínumanna. Þar var gerð krafa um að RÚV beitti sér fyrir því að Ísrael myndi verða vísað úr keppni. Stefán hafði þá þegar stigið fram og sagt RÚV ekki ætla að beita sér fyrir því.
Hyggst skoða lög um nafnabreytingar
Ísland orðið of dýrt
Umboðsmaður barna krefur ráðherra um svör
Leitaði að upplýsingum um Kennedy-morðið
Myndband: Hnúfubakar komu fjölskyldu á bát á óvart
Skipulagði aðgerðir fyrir Ólympíuleikana
Sláandi tölur kalla á djúpa greiningu
Dagbjört dæmd í 10 ára fangelsi fyrir líkamsárás