María Zakharova, talskona rússneska utanríkisráðuneytisins, hefur sett myndskeið á samfélagsmiðla þar sem Sergei Lavrov, utanríkisráðherra Rússlands, situr við borð í stuttermabol og stuttbuxum.
María Zakharova, talskona rússneska utanríkisráðuneytisins, hefur sett myndskeið á samfélagsmiðla þar sem Sergei Lavrov, utanríkisráðherra Rússlands, situr við borð í stuttermabol og stuttbuxum.
María Zakharova, talskona rússneska utanríkisráðuneytisins, hefur sett myndskeið á samfélagsmiðla þar sem Sergei Lavrov, utanríkisráðherra Rússlands, situr við borð í stuttermabol og stuttbuxum.
Þar ræðir Zakarova við Lavrov, skömmu eftir að þó nokkrir fjölmiðlar sögðu að hann hefði verið fluttur á sjúkrahús.
„Við erum hérna með Sergei Viktorovich (Lavrov) í Indónesíu, lesum fréttirnar og trúum ekki okkar eigin augum,“ sagði Zakharova.
„Þetta er hæsta stig falsfrétta.“
Lavrov sagði að fréttirnar væru „einhvers konar leikur“ og skellti hann skuldinni á vestræna fjölmiðla.
„Þeir hafa skrifað um það í tíu ár að forsetinn okkar sé veikur,“ sagði hann.
AP-fréttastofan hafði það eftir þremur heimildarmönnum að Lavrov hefði verið fluttur á sjúkrahús og sögðu tveir þeirra að hann hefði verið fluttur þangað vegna hjartavandamála.
Þessu vísaði Zakharova á bug á samfélagsmiðlinum Telegram og sagði að um falsfrétt væri að ræða.
Síðar hafði Sky News eftir indónesískum yfirvöldum að Lavrov hefði verið fluttur á sjúkrahús til að fara „í skoðun“ en að hann hefði verið „útskrifaður fljótt“.