Einn lést þegar mikill eldur braust út í Mega Khimki verslunarmiðstöðinni í úthverfi Moskvu, höfuðborg Rússlands, í nótt.
Einn lést þegar mikill eldur braust út í Mega Khimki verslunarmiðstöðinni í úthverfi Moskvu, höfuðborg Rússlands, í nótt.
Einn lést þegar mikill eldur braust út í Mega Khimki verslunarmiðstöðinni í úthverfi Moskvu, höfuðborg Rússlands, í nótt.
Samkvæmt upplýsingum frá ráðuneyti almannavarna í Rússlandi var eldurinn búinn að breiða mikið úr sér og náði hann yfir svæði á stærð við fótboltavöll eða um sjö þúsund fermetra.
Á áttunda tug slökkviliðsmanna og 20 dælubílar eru á vettvangi en erfiðlega hefur gengið að ná tökum á eldsvoðanum sökum hönnunar byggingarinnar.
Talið er að eldurinn hafi verið fljótari að breiða úr sér eftir að þakið á verslunarmiðstöðinni féll.
Í fyrstu greindu rússneskir miðlar frá því að grunur léki á um íkveikju. Viðbragðsaðilar telja nú þó líklegra að öryggisreglum hafi ekki verið fylgt.