Útvarpsmaðurinn Brynjar Már Valdimarsson, eða BMV eins og hann er oft kallaður, hefur sett 218 fm endaraðhús sitt í Mosfellsbæ á sölu. Húsið stendur við Laxatungu og var reist árið 2016.

Eignin er björt með allt að sex metra lofthæð. Hún hefur verið innréttuð á afar stílhreinan máta með ljósum innréttingum og gólfefni. Til móts við ljósu tónana setja dekkri tónar í húsmunum sterkan svip á eignina. 

Eldhús og borðstofa eru samliggjandi í björtu rými. Þá er eldhúsinnréttingin snyrtileg með góðu skápa- og vinnuplássi auk innfelldrar lýsingar sem gefur rýminu mikinn glæsibrag. 

Frá stofu er útgengt á glæsilegan 180 fm afgirtan pall til suðurs með stórum heitum potti sem setur sannarlega punktinn yfir i-ið. Þar að auki er fallegt útsýni frá eigninni til fjalla. 

Sjá á fasteignavef mbl.is: Laxatunga 185