Gert er ráð fyrir 7,5 milljörðum króna á fjárlögum næsta árs til orkuskipta samkvæmt fjárlagafrumvarpi sem kynnt var í gær.

Segir að fjárhæðin verði notuð í margvísleg verkefni svo sem styrki til hreinorkuökutækja, átaksverkefni og til innviðauppbyggingar.

Frétt af mbl.is

Dregið úr ívilnunum til rafbílakaupa

Tímabundin framlög og fjárveitingar falla niður

Um er að ræða tilflutning fjármagns á gjaldahlið ríkissjóðs af tekjuhlið þar sem það var nýtt sem hagrænn hvati í formi ívilnanaafsláttar á virðisaukaskatti vegna innflutnings og kaupa á hreinorkuökutækjum og fleiru.

Tímabundin framlög vegna bílaleigubíla og þungaflutningsbifreiða falla niður en þau námu 1,4 milljörðum.

Þá fellur tímabundin fjárveiting til átaksverkefnis til kaupa á hreinorkuökutækjum bifreiða niður sem nam um einum milljarði króna sem og tímabundið fjármagn til orkuskipta í þungaflutningum að 400 milljónum.