Útvarpskonunni Valdísi Eiríksdóttur, betur þekkt sem Vala Eiríks á Bylgjunni, var sagt upp í vikunni. Þrátt fyrir uppsögnina er hún þakklát fyrir tímann á Bylgjunni. 

„Ég er þakklát fyrir vinina sem ég hef eignast á Bylgjunni, ég er sérstaklega þakklát fyrir hlustendur sem mér þykir ofboðslega vænt um,“ segir Vala. Hún ætlar að byrja á því að hvíla sig aðeins en er viss um að spennandi tækifæri bíða handan við hornið.

Vala starfaði í morgunþættinum Bítinu. Hún var einnig umsjónarmaður óskalagaþáttarins Með kærri kveðju á sunnudögum. 

Frétt af mbl.is

Siggu Lund var sagt upp og er hætt á Bylgjunni

Bylgjan er í eigu Sýnar en fyrirtækið sagði upp 11 manns í vikunni. Í morgun greindi Smartland frá því að útvarpskonan Sigga Lund hefði einnig fengið uppsagnarbréf. 

Frétt af mbl.is

Ellefu sagt upp hjá Sýn