Náttúrverndarsamtök Suðvesturlands (NSVE) harma úrskurð úrskurðarnefndar umhverfis- og auðlindamála sem ákvað að fella ekki úr gildi veitingu framkvæmdaleyfis fyrir Suðurnesjalínu 2. 

Þetta kemur í tilkynningu frá samtökunum.

NSVE og fleiri umhverfissamtök kærðu ákvörðun sveitarfélagsins Voga sem samþykkti að veita Landsneti framkvæmdaleyfi til að leggja Suðurnesjalínu 2 í lofti sunnan Reykjanesbrautar. Landsnet telur að framkvæmdir geti hafist í sumar. 

Frétt af mbl.is

Suðurnesjalína 2 fer af stað í sumar

Vilja leggja jarðstreng norðan Reykjanesbrautar

NSVE segir að jarðvísindamenn mæli „með því að línan sé lögð norðan Reykjanesbrautar vegna þess að Suðurnesjalína 1 er á sprungusvæði en svæðið nær Reykjanesbraut bæði sunnan og norðan brautarinnar er það ekki.“

Frétt af mbl.is

Rafmagnsleysi á Suðurnesjum vegna eldinga

Segja samtökin að öruggast væri að leggja línuna í jörð norðan Reykjanesbrautar.

„Náttúruverndarsamtök Suðvesturlands skora á stjórnvöld, Landsnet og sveitarfélög á línuleiðinni að gaumgæfa lagningu jarðstrengs norðan Reykjanesbrautar til að auka raforkuöryggi á Suðurnesjum. Sá möguleiki hefur aldrei verið kannaður,“ segir meðal annars í tilkynningunni.