Leikkonan Jennifer Aniston fagnaði 55 ára afmæli sínu í gær, sunnudaginn 11. febrúar. Í tilefni dagsins leit hún yfir farinn veg og birti skemmtilegt myndskeið á Instagram frá ólíkum tímaskeiðum lífs síns. 

Frétt af mbl.is

Ross og Rachel saman á ný

Aniston kom hugsunum sínum og tilfinningum fram í einu orði: „Þakklát“, enda orð sem segir allt sem segja þarf. Leikkonan deildi einnig ljóðinu The Layers eftir skáldið Stanley Kunitz við færsluna. 

Heillaóskum rigndi yfir afmælisbarnið og voru mörg kunnugleg nöfn í athugasemdarkerfinu sem komu afmæliskveðjum áleiðis til Aniston. Leikkonurnar Florence Pugh, Viola Davis, Allison Janney, Michelle Pfeiffer og Isla Fisher voru þar á meðal. Tæplega tvær milljónir hafa þegar líkað við færsluna.