Donald Trump, fyrrverandi Bandaríkjaforseti, hefur verið dæmdur til að greiða tæplega 50 milljarða króna í sekt og fær ekki að stunda viðskipti í New York-ríki næstu þrjú árin.
Donald Trump, fyrrverandi Bandaríkjaforseti, hefur verið dæmdur til að greiða tæplega 50 milljarða króna í sekt og fær ekki að stunda viðskipti í New York-ríki næstu þrjú árin.
Donald Trump, fyrrverandi Bandaríkjaforseti, hefur verið dæmdur til að greiða tæplega 50 milljarða króna í sekt og fær ekki að stunda viðskipti í New York-ríki næstu þrjú árin.
Var hann fundinn sekur af dómaranum Arthur Engoron en á Trump að hafa ýkt virði eigna sinna í þeim tilgangi að knýja fram betri kjör á lánum og tryggingum.
Tveir synir Trumps voru einnig dæmdir meðsekir og gert að greiða um 550 milljónir á mann.
Lögmenn Trump segja úrskúrðinn ekki réttlátan og hefur Trump sagt þetta vera leið demókrata til að hafa áhrif á kosningabaráttu hans, en hann mælist með meira fylgi en Joe Biden Bandaríkjaforseti um þessar mundir.
„Þeir eru aðeins sakaðir um að blása upp verðmæti eigna til að græða meiri peninga. Donald Trump er ekki Bernard Madoff. Samt eru sakborningarnir ófærir um að játa villu síns vegar," sagði Engoron dómari.
Engoron var þar að vísa í Bernard L. Madoff, sem eitt sinn starfaði sem stjórnandi á Wall Street og árið 2008 varð andlit fjármálamisgjörða og svika fyrir að vera maðurinn á bak við eina stærstu fjármálasvikamyllu sögunnar.
Er þetta sigur fyrir Letitiu James, ríkissaksóknara New York-ríkis, en það var hún sem ákærði hann.
Þetta er enn eitt áfallið fyrir bókhaldið hjá Donald Trump en í síðasta mánuði var hann dæmdur til að greiða E. Jean Carroll rúmlega 83 milljónir dala í skaðabætur vegna kynferðislegrar áreitni.