Aukinn hryðjuverkaviðbúnaður í Bretlandi

Vopnaðir breskir lögreglumenn. Myndin er úr safni.
Vopnaðir breskir lögreglumenn. Myndin er úr safni. Reuters

Bresk stjórnvöld hafa hækkað viðbúnaðarstig vegna mögulegrar hryðjuverkaógnar, eða úr „talsvert“ yfir í „alvarlegt“. Alan Johnson, innanríkisráðherra Bretlands, segir að þetta þýði að það sé mjög líklegt að hryðjuverkamenn geri árás.

Hann segir að upplýsingamiðstöð sem fylgist með og greini hryðjuverkaógn í landinu (Joint Terrorism Analysis Centre) hafi ákveðið að hækka viðbúnaðarstigið. Um næst efsta stig er að ræða.

Johnson tekur hins vegar fram að yfirvöld hafa engar upplýsingar um að árás sé yfirvofandi. Hættan í landinu hefur verið metin talsverð frá því í júlí sl., sem er þriðja stig af fimm mögulegum.

Þetta eru viðbrögð við hótunum alþjóðlegra hryðjuverkahópa, en hótununum hefur farið fjölgandi í kjölfar tilraunar Nígeríumanns til að sprengja farþegavél í loft upp yfir Detroit í Bandaríkjunum á jóladag.

„Við stöndum enn frammi fyrir raunverulegri og alvarlegri ógn hér í Bretlandi sem stafar frá alþjóðlegum hryðjuverkasamtökum. Ég hvet almenning til að hafa augun opin og halda áfram að gefa viðeigandi yfirvöldum upplýsingar um grunsamlega hegðun, og styðja lögregluna og öryggisveitir í viðleitni sinni að leita uppi og koma í veg fyrir hryðjuverkastarfsemi,“ segir Johnson.

mbl.is

Bloggað um fréttina

STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Anne-Gaëlle et Benjamin
Le plus beau des voyages c'est celui que nous accomplissons désormais, celui qui...
Egat Diva - Snyrti-Nuddbekkur,Rafmagns fyrir Snyrti,Fótaaðgerða,spa....
Egat Diva - Rafmagns snyrti-/nuddbekkur, Vatnshelt áklæði, svartir og beige ...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
 
Eldri borgarar
Staður og stund
Aflagrandi 40 Opin vinnustofa kl. 9, for...
Aðalfundur
Fundir - mannfagnaðir
Félag sjálfstæðismanna Smáíbúða-...
Félagslíf
Staður og stund
Aflagrandi 40 Opin vinnustofa frá kl 9, ...
L helgafell 6018021419 iv/v
Félagsstarf
? HELGAFELL 6018011019 VI Mynd af au...