Kastaði syni sínum fram af háhýsi

Karlmaður á fertugsaldri, sem var nýlega fráskilin, henti þriggja ára gömlum syni sínum af þaki á 52. hæða háhýsi á Manhattan í New York í gær. Hann stökk síðan sjálfur fram af skömmu síðar.

Samkvæmt frétt New York Times lést maðurinn við fallið en sonur hans var fluttur á sjúkrahús þar sem hann lést fljótlega af sárum sínum.

Lögreglan í New York rannsakar málið en samkvæmt upplýsingum NYT sótti maðurinn, Dmitriy Kanarikov, 35 ára, son sinn, Kirill, til fyrrverandi eiginkonu sinnar um tíu leytið í gærmorgun á lestarstöð. Þau ætluðu síðan að hittast aftur á lestarstöðinni klukkan eitt og átti sonurinn þá að fara aftur til móður sinnar. En þegar hún kom þangað klukkan eitt voru þeir ekki þar. 

Samkvæmt myndum úr öryggismyndavélum sáust þeir feðgar ganga saman inn í bygginguna á West 60th Street. Það næsta sem vitað er þegar vitni sáu þá falla til jarðar um hádegið.

Frétt NYT

• 2 blogg um fréttina

Bloggað um fréttina

• Elsabet Sigurðardóttir: Barnaníðingar alls staðar
• Heimir Hilmarsson: Sjálfsmorðshætta þegar börn eru tekin út úr lífi foreldris - …