Þrír fílar sluppu úr sirkus

Þrír fílar sluppu úr sirkus í bænum St. Louis í Missouri-ríki í Bandaríkjunum í gær. Fílarnir skemmdu nokkrar bifreiðir á bílastæði sirkussins áður en þeim var náð aftur.

CNN greinir frá þessu.

Sjónarvottar sögðu að fílarnir hefðu orðið hræddir við mikinn hávaða frá áhorfendum og því tekið af stað. Þeir komust þó ekki lengra en á bílastæði sirkussins þar sem þjálfarar þeirra náðu þeim aftur.

Talsmaður sirkussins, Dennis Burkholder, segir bílastæðið hafa verið lokað almenningi og bílar í eigu starfsmanna hafi einungis skemmst.

Fílarnir hlutu engan skaða af en fengu þó að sleppa við sýningu kvöldsins til þess að hvílast.

• Blogga um frétt