Barack Obama, Bandaríkjaforseti, hefur fordæmt morðið á rússneska stjórnmálamanninum Boris Nemtsov. Nemtsov er einn af þeim sem gangrýnt hafa Vladimír Pútín forseta landsins hvað mest og eru margar kenningar uppi um tilgang morðsins. 

„Rússnesk yfirvöld verða strax að hefja hlutlausa rannsókn á málinu og sjá til þess að þeir sem eru ábyrgir fyrir morðinu, náist,“ segir í tilkynningu frá Hvíta húsinu. 

Nemtsov var skotinn fjórum sinnum þar sem hann var á gangi nálægt Kreml og Rauða torginu. Nokkrir menn munu hafa stigið út úr bíl og skotið Nemtsov. 

Garry Kasparov, margfaldur heimsmeistari í skák og fyrrum forsetaframbjóðandi í Rússlandi vottaði Nemtsov virðingu sína á Twitter-síðu sinni í gær. 

Devastated to hear of the brutal murder of my long-time opposition colleague Boris Nemtsov. Shot 4 times, once for each child he leaves.

— Garry Kasparov (@Kasparov63) February 27, 2015

Utanríkisráðherra Noregs, Børge Brende, tók í dag í sama streng og Obama. „Morðið á Nemtsov er harmleikur sem Noregur fordæmir. Nemtsov var mikilvæg og hugrökk rödd í stjórnarandstöðunni í Rússlandi, ekki síst í baráttu sinni gegn spillingu,“ segir Brende í samtali við dagblaðið Verdens gang. Hann biðlar til rússneskra yfirvalda að rannsaka málið sem fyrst. 

„Morðið segir töluvert um þróunina í landinu þar sem lýðræðissinnar þurfa að gjalda fyrir baráttu sína með lífi sínu. Noregur biðlar til Rússa að hefja strax óháða rannsókn,“ bætir Brende við. 

Margir Rússar heimsóttu í dag staðinn þar sem Nemtsov var skotinn til bana í gær. AFP

Boris Nemtsov

• Boris Nemtsov fæddist 9. október 1959
• Hann var varaforseti Rússlands frá mars 1997 fram í ágúst 1998.
• Hann var einn af hjelstu gagnrýnendum Ólympíuleikana í Sotsji, og taldi hann að of miklir fjármunir hafi ratað í vitlausa vasa.
• Árið 2010 var hann handtekinn og dæmdur í 15 daga fangelsi fyrir mótmæli. Amnesty International fordæmdi fangelsunina. 
• Í desember 2011 var hann aftur handtekinn eftir mótmæli í Moskvu.

Tengdar fréttir

Boris Nemtsov myrtur

20 ára fangelsisdómur fyrir morð

• Sakfelldir fyrir morðið á Nemtsov
• Reyna að komast að niðurstöðu í máli Nemtsov
• Þúsundir minntust Nemtsov
• Réttað yfir meintum morðingjum Nemtsov

» Fleiri tengdar fréttir

• Blogga um frétt