Styttist í fyrsta flug heimsins stærsta loftfars

Airlander 10 er á þróunarstigi enn. Loftfarið verður 100 metra ...
Airlander 10 er á þróunarstigi enn. Loftfarið verður 100 metra langt og mun tæpast fara framhjá byggð og bóli án þess að eftir verði tekið.

Óðum styttist í fyrsta flug stærsta loftfars heims, loftskipsins Airlander 10. Mun flugið ekki fara framhjá neinum í nágrenninu sakir stærðar þess.

Yfir London munu stórar farþegaþotur sýnast eins og lítil flygildi í samanburði við loftfarið mikla, sem er um 100 metra langt. Er það í senn að hluta loftskip, að hluta flugvél og að hluta þyrla.

Upphaflega skóp breska hönnunarfyrirtækið Hybrid Air Vehicles (HAV) Airlander fyrir bandaríska landherinn. Niðurskurður á útgjöldum til varnarmála bundu enda á það og HAV flutti loftfarið til baka yfir Atlantshafið og hefur löngum ekkert virst ætla verða úr því að það flygi aftur.

Nú hefur HAV hins vegar fengið ríkisstyrk upp á fimm milljónir evra og hófust hönnuðir og verkfræðingar þegar handa við að undirbúa loftfarið og gera það klárt til flugtilrauna. Gert er ráð fyrir að þær hefjist síðar á árinu.

Áhugi fyrir loftförum þvarr að miklu leyti er Hindenburg loftfarið fórst árið 1937 og 36 manns með því. Mikið vatn hefur runnið til sjávar síðan og með nútíma hönnun og smíðisefnum eru loftför talin öruggari farartæki nú. Airlander 10 mun geta borið 10 tonn.  

mbl.is
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
JEMA Bílalyftur í bílskúrinn
Frábærar skæralyftur sem henta í bílskúrinn,lyfta 1,2 m og 2,8T, glussadrifnar...