Bjargaði konunni í stað þess að taka mynd

Bíllinn varð eldinum að bráð eftir að náðst hafði að ...
Bíllinn varð eldinum að bráð eftir að náðst hafði að bjarga konunni. Ljósmynd/Fox12 Oregon

Á meðan viðstaddir horfðu á konu sem var föst í brennandi bíl og tóku af henni myndband, kom 19 ára drengur henni til aðstoðar í borginni Beaverton í Oregonríki í gær. Myndskeið af brunanum má sjá hér að neðan.

„Ég var ekki alveg að hugsa, ég sá hana bara og vissi að ég þyrfti að ná henni út áður en ástandið myndi versna,“ segir hinn 19 ára gamli Phillipe Bittar í tali við Fox12 fréttastöðina í Oregon. Bittar var á heimleið ásamt bróður sínum þegar þeir tóku eftir reykmekkinum og eldinum sem umlukti bílinn.

En að sögn Bittar var það ekki eldurinn sem kom honum á óvart, heldur sá fjöldi fólks sem hann segir hafa staðið til hliðar og tekið myndband af konunni sem föst var í bílnum. „Það voru í kringum sex manns þarna sem stóðu og tóku þetta upp á símana sína, á sama tíma og þeir sögðu ítrekað að hún þyrfti einhverja hjálp,“ segir Bittar.

Þá tók hann málin í eigin hendur. „Ég sagði við hana að ég ætlaði að draga hana út og að hún þyrfti að fara frá glugganum því ég þyrfti að brjóta hann til að komast að henni,“ segir Bittar og bætir við: „Ég gerði bara það sem allir ættu að gera.“

Bittar hlaut skurði á höndunum eftir að hafa brotið rúðuna í bílnum. Þá varð konan fyrir reykeitrun en er ekki í lífshættu eftir brunann.

mbl.is

Bloggað um fréttina

Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
 
Formannskjör
Fundir - mannfagnaðir
Formannskjör í Sjúkraliðafélagi Ísla...
Samkoma
Félagsstarf
Samkoma kl. 20 í Kristniboðs- salnum. R...
Uppboð
Tilkynningar
UPPBOÐ Boðnir verða up...
Skipulag
Tilkynningar
Rangárþing ytra Auglýsing um skipulags...