Áhlaup á dómstóla í Istanbul
Setja bókamerki
Tyrkneska lögreglan gerði áhlaup á þrjá helstu dómstólana í Istanbul í morgun þar sem talið var að einhverjir þeirra rúmlega 170 saksóknara sem leitað er í tengslum við valdaránstilraunina í síðasta mánuði héldu sig.
Fyrst var leitað í húsnæði helsta dómstóls borgarinnar, Cagalayan, og síðan í héraðsdómum í Gaziosmanpasa og Bakirkoy. Lögreglan var með handtökuskipun á hendur 173 saksóknurum og öðrum starfsmönnum dómstólanna samkvæmt frétt Dogan-fréttastofunnar.
Þeir eru sakaðir um að tengjast íslamska klerknum Fethullah Gülen sem stjórnvöld í Tyrklandi saka um að hafa staðið á bak við valdaránstilraunina gegn Recep Tayyip Erdoğan, forseta Tyrklands, 15. júlí. Ekki hefur komið fram hversu margir voru handteknir í aðgerðum lögreglunnar í morgun. Alls hafa 35 þúsund verið handteknir frá valdaránstilrauninni en 11.600 hafa þegar verið látnir lausir.
Gígbarmurinn hækkað frá því í gær
Skaut sex sinnum að feðginum á aðfangadagskvöld
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
Krefjast stöðvunar framkvæmda
Hvorki sést áður hér á landi né annars staðar