Vinir Díönu prinsessu hvetja sjónvarpsstöðina Channel 4 til þess að birta ekki umdeild myndbönd þar sem hún talar um vandræði í hjónabandi sínu. 

Heimildarmyndin „Diana: In Her Own Words“ á að vera frumsýnd í aðdraganda 20 ára ártíðar prinsessunnar.

BBC greinir frá því að myndböndin, sem voru tekin af talmeinafræðingi hennar, hafa aldrei áður verið sýnd í Bretlandi. Channel 4 segir að þau „veiti einstaka innsýn“ inn í líf prinsessunnar.

Náin vinkona Díönu, Rosa Monckton, sagði að birting þeirra væri brot á friðhelgi prinsessunnar. Hefur hún skrifað til sjónvarpsstöðvarinnar og beðið þau um að birta ekki myndböndin.

„Þau tilheyra ekki almenningi,“ sagði hún í viðtali við fréttamiðilinn The Guardian.

Myndböndin voru tekin af Peter Settelen sem var ráðinn af Díönu við að kenna sér að tala opinberlega. Á þeim talar hún meðal annars um hjónaband sitt við prinsinn af Wales, kynlíf þeirra og framhjáhald hans með núverandi eiginkonu sinni, Camillu Parker Bowles.

Tengdar fréttir

Díana prinsessa

25 ár frá andláti Díönu prinsessu

• Bíll Díönu seldist á 108 milljónir
• Hvers vegna var Díana engin venjuleg prinsessa?
• Fékk óhugnanlegar hringingar frá Díönu
• Bakvið tjöldin í brúðkaupi Díönu og Karls

» Fleiri tengdar fréttir

• Blogga um frétt