18 ára ákærður vegna sprengingarinnar í Lúndunum

Neðanjarðarlest við Parsons Green-lestarstöðina í Lundúnum.
Neðanjarðarlest við Parsons Green-lestarstöðina í Lundúnum. AFP

Átján ára maður hefur verið ákærður fyrir morðtilraun í tengslum við Parsons Green-árásina á föstudag, þegar 30 særðust þegar sprengja sprakk um borð í lest á District-leiðinni í Lundúnum.

Ahmed Hassan frá Sunbury í Surrey verður færður fyrir dómara í dag, þar sem hann verður ennig ákærður fyrir brot gegn lögum um sprengjuefni.

Þrír aðrir menn; 30, 25 og 17 ára, sitja enn í gæsluvarðhaldi vegna málsins.

Hryðjuverkasamtökin Ríki íslam hafa lýst ábyrgðinni á hendur sér.

Flestir sem slösuðust brenndust og þá urðu einhver meiðsl á fólki í troðninginum sem myndaðist í kjölfar árásarinnar.

Um var að ræða fimmta hryðjuverkið í Bretlandi á hálfu ári.

mbl.is