Svartur blettur á myndinni

Norður-Kórea hefur náð undraverðum árangri í framleiðslu á vopnum í valdatíð Kim Jong-Un en á sama tíma situr þjóðin eftir í skugganum - bókstaflegri merkingu.

Í túrbínusal númer 5 í Wonsan vatnsorkuverinu er veggspjald að finna þar sem á stendur: „Efnuð og öflug þjóð“ en þegar kemur að rafmagni verður fátt um efndir.

Ef gervihnattamyndir eru skoðaðar er allt svart þegar horft er yfir þennan heimshluta á meðan löndin Kína og Suður-Kórea eru böðuð ljósi. Nú tæpum 70 árum eftir stofnun Lýðræðislega Alþýðulýðveldisins Kórea búa landsmenn enn við rafmagnsskort líkt og gervihnattamyndir sýna svo glögglega.

Pyongyang er óvenjulega dimm af höfuðborg að vera og oft sést varla ljóstýra á heimilum borgarbúa. Sólarrafhlöður er að finna á fjölmörgum svölum og nemendur safnast saman undir ljósastaurum til þess að lesa námsbækurnar.

En þetta hefur ekki alltaf verið svona. Þegar landið var nýlenda Japan var gríðarleg iðnframleiðsla í N-Kóreu á meðan jarðrækt var í suðurhluta landsins. 

Þar sem Norður-Kórea er eitt lokaðasta land heims er fátt vitað um hagi fólks. Íbúarnir eru um 24,5 milljónir talsins og á undanförnum tveimur áratugum er talið að um tvær milljónir hafi dáið úr hungri í landinu sem varð til í umróti kalda stríðsins í kjölfar seinni heimstyrjaldarinnar.

mbl.is

Bloggað um fréttina

Frá Sýrlandi til Evrópu - Greinaflokkur

Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Til að ferðast með nuddbekkinn
Til að ferðast með nuddbekkinn www.egat.is verð 8900 kr. sími 8626194...
Borðstofuborð ásamt sex stólum frá Öndvegi / Heimahúsinu til sölu
Tilboð óskast í borðstofuborð með sex stólum frá Öndvegi / Heimahúsinu. Borðið e...
 
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
Lausafjáruppboð
Nauðungarsala
Lausafjáruppboð Einnig birt á www.naud...
Háseti
Sjávarútvegur
Háseti Vísir hf óskar eftir að...
Byggðakvóti
Tilkynningar
Auglýsing vegna úthlutunar byggða...