Frans páfi er nú kominn til Búrma þar sem hann mun dvelja í fjóra daga í opinberri heimsókn. Sjónir umheimsins hafa beinst að landinu og nágrannaríki þess, Bangladess, síðustu mánuði vegna ásakana um ofsóknir hersins á hendur rohingjum, minnihlutahópi múslima, sem hafa í þúsundavís flúið heimkynni sín. 

Flugvél páfa lenti á flugvellinum í Yangon í morgun þar sem kaþólikkar Búrma og fleiri tóku vel á móti honum. 

Frans páfi hefur hingað til látið sig málefni flóttafólks í heiminum mikið varða og m.a. gefið hópi þeirra skjól í Vatíkaninu. Nú velta fréttaskýrendur því fyrir sér hvort hann muni ræða hið mjög svo viðkvæma mál rohingja við þá leiðtoga Búrma sem hann mun eiga fundi með. Hann hefur áður tjáð sig um rohingja og sagt þá ofsótta bræður sína og systur.

Frans er fyrsti páfinn sem heimsækir Búrma en langflestir íbúar landsins eru búddistar. 

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Bandaríkin segja Mjanmar hafa framið þjóðarmorð
• Rohingjar höfða mál gegn Facebook
• Þaggað niður og falið í skugga skammar

» Fleiri tengdar fréttir

• Blogga um frétt