Samskiptin geta ekki orðið verri

Samsett mynd af Rex Tillerson, fráfarandi utanríkisráðherra Bandaríkjanna (til vinstri) ...
Samsett mynd af Rex Tillerson, fráfarandi utanríkisráðherra Bandaríkjanna (til vinstri) og Mike Pompeo, verðandi utanríkisráðherra. AFP

Rússnesk yfirvöld hafa lýst því yfir að samskipti þeirra og yfirvalda Bandaríkjanna geta ekki orðið verri en þau hafa verið hingað til, eftir að upplýst var að Mike Pompeo yrði nýr utanríkisráðherra Bandaríkjanna.

Þegar talsmaður Vladimirs Pútíns, Dmitry Peskov, var spurður um ráðherraskipti Bandaríkjanna  sagði hann „samskipti ríkjanna geta ekki orðið verri en þau hafa verið hingað til. Það er ávallt von um uppbyggilega nálgun gagnvart tvíhliða samskiptum okkar.“

Í kveðjuræðu sinni sagði Rex Tillerson, fráfarandi utanríkisráðherra Bandaríkjanna, að yfirvöld í Washington þurfa gera meira til þess að svara „varhugaverðri hegðun og aðgerðum“ Rússa. Þá hafa verið uppi áhyggjur af framferði Rússa í sambandi við forsetakosningarnar vestanhafs árið 2016 og hafa Bandaríkin sakað Rússland um að hafa bein afskipti af þeim. Meðal annars hefur Kreml verið sakað um að hafa stolið upplýsingum frá Demókrataflokknum og dreift falsfréttum á samfélagsmiðlum.

Pompeo var fram að breytingum í ríkisstjórn Bandaríkjanna yfirmaður CIA, en í því embætti hefur hann meðal annars sagt CIA hafa tekið eftir aðgerðum sem miða að því að hafa áhrif á þingkosningarnar í nóvember.

mbl.is
Kolaportið alltaf gott veður!
Góða veðrið og góða skapið er í KOLAPORTINU!...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Tekk skrifborð og tekk stóll
Tekk skrifborð og stóll. Lítur mjög vel út. St 119x59cm. verð kr 22.000 sa...